मुक्तक : आफन्त

 सामन्तलाई मात दिएर सामन्त बने
कर्तव्यलाई घात दिएर महन्त बने
निमुखा जङ्घारमा दुब्दै गर्दा खेरी
लर्बरिएको बात दिएर आफन्त बने ।

मुक्तक : बल्छी

 तिम्रो पूरानो त्यही बानी
जे गर्दा पनि आनाकानी
आशाको बल्छीमा फँसाएर
समात्दैछौ माछा छानीछानी ।

मुक्तक : असल हामी

 मुक्तक :
भ्रम पाल्न कती कुशल हामी
सम्पूर्णताको खुद्रा पसल हामी
उचाईमा पुगेर झर्छु कि लड्छु डराउँदै
मसाने बैरग्य प्रेरित असल हामी ।

मुक्तक : धर्म

 टाडिएको छु म
बाँडिएको छु म
कर्मको धर्म पुरा गर्दा अधुरै
छाडिएको छु म ।

मुक्तक :

 मायामा माया भए पुग्छ, साथ जरूरी कहाँ छ र
अनाम साथहरूलाई नामका गाथ जरूरी कहाँ छ र
बाँच्ने आचार सदर गर्न लागि परेकाछन् पक्षपातीहरू अचेल
प्रितको मातमा झुल्नेहरूलाई नाथ जरूरी कहाँ छ र ।

मुक्तक :

 अहम लिएरै जिन्दगी पिउँछ मान्छे  
उधार्दै अरुलाई आफू सिउँछ मान्छे  
युगपुरुषहरु पनि त मुक्त छैनन् अहम् बाट     
दियो वाह्य जगाई आल्हादित जिउँछ मान्छे ।

मुक्तक : मृगजाली व्यूह

 मुक्तक :
गुलाबको पुष्पदल चुट्टाई-चुट्टाई पूजा गर्छन्
समर्पणको दिव्यज्ञान फुटाई-फुटाई धुजा गर्छन्
टुक्रिएर रोएको क्रन्दन नसुन्ने उन्मादीहरु
मृगजाली व्यूह जुटाई-जुटाई भुजा भर्छन् ।

मुक्तक : छाउ गोठ

 मुक्तक :
कती चिसिनु छाउ गोठमा जिन्दगीहरु
कती पिसिनु संस्कार मठमा जिन्दगीहरु
ए ! बा अब त खोल न आँखा, बिर्स अन्धबिश्वास
कती निसास्सिनु मुक ओठमा जिन्दगीहरु ।

मुक्तक : सुवास

 सन्तुष्टी रित्तिनुको बुझाउँ कसरी
सित्तै हुनुको भाऊ देखाउँ कसरी
नुहिने हाङ्गा झुकेको देख्ने साथहरु भन
नघोटी चन्दन सुवास सुँघाउँ कसरी ।  
11/25/2019

हाइकु

बन्द नयन

मौन बहन्छन् बुद्ध

बोधित्व खोजि