मुक्तक : शिक्षा

 मुक्तक : शिक्षा
शिक्षकलाई जागिर पकाउनुको टण्टा छ  
विद्यार्थीलाई प्रमाणपत्र बकाउनुको टण्टा छ
शिक्षाको स्तर उँधो लम्किँदो छ निरन्तर, तैपनी
अगुवालाई मेरो-मेरा फकाउनुको टण्टा छ ।

चार हाइकु

जमेको ताल
भित्र चञ्चल माछा
गहिराईमा ।
************
सिमल भुवा
हावासँगै उड्दै छ
नवआँकुरा
**********

Muktak : ईतिहास

 देखाउछन भत्किएका ति दरवारले  
बताउञ्छन रित्तिएका ति घरबारले
कथा पूर्खाको जिवितै छ, ईतिहास
सम्झाउञ्छन बत्तिएका ति तरबारले

muktak : जिवनमा

 सबैको हुन्छ दु:ख जिवनमा
सबैको हुन्छ सुख जिवनमा
ढकमक्क छौ अहिले  भन्दैमा  
नचलाए हुन्छ मुख जिवनमा

muktak : सम्बन्ध

 अरुलाई सम्बन्ध भारी नहोस् कहिले
जाँची हेर आफैलाई आफूले पहिले
पुष्प बनि पल्लवित होस्, सुगन्ध छरोस्
चुप्चाप चडेर ईशको पाउमा जहिले

मुक्तक : भष्म

 झिल्को नभए नि आगो बल्छ
मनले आफैलाई पलपल छल्छ  
लाग्दो हो भष्म हुन्छ,रोकिन्छ समय तर  
कोही नभए नि संसार चल्छ ।

मुक्तक : दोष

कस्सैले दोष दिंदैनन् मतिलाई

सबै दोष जति बिचरी सतिलाई 

नेपाल होस् या अरु कहिँ यस्तै छ चाला

भन्नुस् बुझाउने कुरो यो कतिलाई ।

मुक्तक : नेता

भूलेर खेला जुलुसमा जान्छन् जनता

थुनेर भोक आश्वाशन खान्छन् जनता

पछिलाग्नु रहर, बाध्यता या स्वार्थ उस्को

चिम्लेर आँखा नेता छान्छन् जनता  । 

मुक्तक : झिल्का

मुक्तक: झिल्का

जाने त गयो, आँसुको भङ्गालो दिएर गयो

जाने त गयो, यादको अङ्गालो दिएर गयो

झिलिक्क झिल्का झैं झल्किई, आगो लगाई

जाने त गयो, जलनको सङ्गालो दिएर गयो ।

मुक्तक : सङ्किर्णता

मुक्तक

झिल्का नै आगोको बीउ हो

शङ्का नै बिनासको निउ हो

सङ्किर्णता हिमपर्वतको शिर मात्र अनि

देखावटिपन त्यसैको जिउ हो ।