Thursday, September 19, 2019

Haiku

Cricket chirping
Burdened silence
Buddha rumble
9/13/2019

हाइकु


स्वादको भोक-
पैतालाको धुलो त्यो
संवेदना खै ?
9/8/2019

हाइकु

हाइकु
एक्लो बगान
शित मित्रता गाँस्छे
उम्लिनु कर्मै ।
9/12/2019

दुई हाइकु


चिप्लेकिरा त्यो
बाटो कोर्दै हिँड्दैछ
क्रुर भास्कर ।
****************
बिहानी शीत
गुँडमा छन् बचेरा
जनित्व गाढा ।
9/14/2019

हाईकु

हाईकु
माहुरी नाचि
पराग छ्यापाछ्याप
भ्रमर दोषि
9/15/2019

Monday, September 9, 2019

हाइकु

हाइकु
स्वादको भोक-
पैतालाको धुलो त्यो
संवेदना खै ?
9/8/2019

Thursday, September 5, 2019

सेन्र्यु

सेन्र्यु:
कोलाहल छ
मुर्तिवत हेर्दैछ
अमुक बुद्ध ।
8-26-2019

हाईकु

हाईकु

धूमिल पानी
माटो छोडेर सङ्ग्ल्यो
बालुवा काया ।
7-15-2019

Sunday, August 4, 2019

छन्द कविता : जीवनबोध

~आविष्कार

छन्द : भानुभक्तिय छन्द

माता-पिता ति हर्ता कर्ता गुरु ज्ञान भण्डार भर्दछन्
किर्ती केही राख नत्र ता काया व्यर्थै दिनै मर्दछन् 
साँचो बोल्नु नबोल्नु बात कहिल्यै झुटो भन्याको रति ।
आखिर मर्नु छ पाउनू छ उति फल् यहाँ गर्‍याको जति ।।

जोबन पल बिती जन्या छ समय समातिन्न ति रती
गर्ने काम गरे यही पल हुन्या छैन कसैलाई खती
भोली भोली भन्दा भन्दा भर्न्या छैन कसैको झोली
दान क्षमा गर् जन कन मन आत्मा भित्रैकन खोली  ।।

बग्छ प्रेम मुस्कान धरिकन मुस्कानै फुल्न्या जतै
रहेछ सेवा ता टेवा जीवनकन सुफल मिल्न्या यतै
पूजा धर्म ब्रत रहेछ आर्त मनुवाको निको भयाको घाऊ
सक्या जती काम आउ तिमी तिनमा मलहम त्यो लाऊ ।।

भन्छन् नुहिन्छ बाँस अनी फलले भरिएको रुख पनि
बाँस फेदमा काटिन्छ अनी रुख पुजिन्छ भर्ता भनी
माया प्रेम सद्भावकन बगी बाँच सब जन ति मिली
रवाफ् आरिस मोहले छोड्ने छन सब जन ति चिली ।।

ध्यान कस प्रती प्रहर धरामा राम्रो सबैकन भया
बिचार शुद्ध बनोस् अनी ता भागोस् रोग जती थिया
शिल सिष्ट ढाँचामा कुँदियोस् जनको जीवन रहोस् पूर्ण
अहम् टाढै बसोस् भरसक मरोस् सोंछ सबै सङ्किर्ण ।।

जस्ले जसै भर्या ढुकुटी त्यो रित्तंदै पनि गैगयो त्यसै
मिटाउन्याछु प्यास भनी पियो गहिरो मन भैगयो यसै
हटाई सारा दोष दम्भ मकनको जीवन फलोस् फुलोस्
सेवा क्षमा दया भाव गरिकन आजन्म किर्ती मिलोस् ।।

Monday, July 29, 2019

मुक्तक : विश्वाश

भुन भुन भमरा जस्तै डुली
निर्वाद बादलु जस्तै उडी
विश्वाश जलेर खरानी हुँदासम्म
स्वच्छन्द सुनगाभा जस्तै फुली ।