Monday, November 5, 2018

मुक्तक : बलिदान

कृष्ण गए बगेर गीतामा, यतै कतै कथामा राधा थिईन्
लक्ष्मण भए कर्तव्यनिष्ठ, पूर्ण उर्मिला आधा भईन्
बलिदान समर्पण गर्ने ता प्राय: नारी नै हुन्
अर्जुन बल्झे आदेशमा, द्रौपदी बाँडिएर साझा भईन्

Friday, November 2, 2018

मुक्तक : प्रितगङ्गा

मुक्तक : प्रितगङ्गा
~आविष्कार
चिच्याउँदा दूरी बढ्छ रे नि, आउ नि:शब्द माया साटौं
फत्किँदा समय बढ्छ रे नि, आउ गफ्फिँदै बाटो काटौं
स्वप्नील प्रितगङ्गामा पौडिबाज पनि सरक्कै डुब्छन् भन्छन्
थुन्निँदा बोझ बढ्छ रे नि, आउ मिलेर सुख बाडौं दु:ख छाँटौं ।।

Friday, October 12, 2018

गीत : भागुँ कहाँ म

~आविष्कार
भागुँ कहाँ म, याद पछी लाग्छन्
लुकुँ कहाँ म, बात पछी लाग्छन् ।।

Tuesday, October 9, 2018

हाईकु : चेपारे

हाईकु :
चेपारे बोली
संसारै तिमी मेरो 
काम नलाग्ने

Monday, October 8, 2018

लघुकथा : उमेर

लघुकथा : उमेर
~आविष्कार

नेपाली जस्ताइ रङ्ग-रोगनको ऊ मध्य-बाटोमा साथीहरुसँगै मात र उन्मादको रङ्गीन खोष्टामा बेरिएर हल्लिखल्ली गर्दै हिँडिरहेको थियो । त्यतीनै बेला प्रहरीहरु आएर हल्लाखल्ला नगर्न "तँ" छन्दमा आदेशात्मक अनुरोध गर्छन् तैपनी त्यस कठोर अनुरोधलाई बेवास्ता गर्दै अझै हल्ला गर्न उद्दत हुन्छ ऊ । पहुँच, यौवन र मदको नशा रेशा-रेशामा झम्झमाइ रहेको उस्ले हुँकारका साथ गालीका लात र बूट प्रहरीमाथि पोख्न खोज्छ ।

Friday, October 5, 2018

मुक्तक :मिलन

मुक्तक :
आकाशले धर्तीलाई सोध्यो तिमी किन उँधो परेको ?
धर्तीले आकाशलाई सोधिन तिमी किन माथि परेको ?

हिन्दी मुक्तक : अजिब चिज

~आविष्कार

होते जबानके पक्के सभी नहीँ
होते दिल के सच्छे सभी नहीँ

अनुदित कविता : माहुरी हो ख्याति

~एमिली डिकिन्सन~
अनुवाद : आविष्कार

माहुरी हो ख्याति ।
गुन्गुनाउँछ, भुन्भुनाउँछ कहिले
कहिले चिली दिन्छ  
अह ! र यस्का स्वत्रन्त्र पङ्ख पनि छन् ।।

अनुदित कविता : म कोही पनि होईन ! तपाईं नि ?

~एमिली डिकिन्सन~
अनुवाद : आविष्कार

म कोही पनि होईन ! तपाईं नि ?
तपाईं पनि कोही होइन हो ?
हामी त उस्तै जोडा पो भएछौं !

कविता : भ्यागुताहरु

कविता : भ्यागुताहरु
~आविष्कार

म बुद्रुक्क उफ्रिन्छु
भ्यात्त पछारिन्छु
कहीँ पुग्दिन
"तँ कुवा बाहिर निस्कन सक्दैनस्"को
टड्कारसँगै
आफ्नो आत्मबोध
विबेक
निष्ठा
ट्यार्-ट्यार् को चितामा खरानी पार्छु
आफ्ना बिचारहरु,

Wednesday, October 3, 2018

मुक्तक : संस्कृति

मुक्तक :
​ढुङ्गेधारा कती पुरिएछ
मूर्ती सफाचट् गरिएछ
आमालाई बेच्छन् बच्चाहरु
संस्कृति भटाभट मासिएछ ।। 

मुक्तक : म

मुक्तक : म
ढाँटको बाढिमा बाध्यताको जलप
कुरितीको पहिरोमा धर्मको भडक
सत्यलाई स्वार्थले लिप्दै अहम् मा रम्ने म
प्रेमको दैलोमा पैसाको तडप 

मुक्तक : बह

मुक्तक : बह
नबोली केही धेरै कुरा भन्छौ
नजरको ओसले भिजाइ रहन्छौ 
कुराईको प्रताड ममताको आँकुराले छोप्छौ
मनको बह मनले भनी जान्छौ ।।

मुक्तक : ईशारा

मुक्तक : ईशारा
तिमी त भन्थ्यौ रे समय तिम्रो हो
तिमी त भन्थ्यौ रे जमाना तिम्रो हो
पारीपक्व फल बोटबाट आफै झर्छ भन्छन्
तिमी त भन्थ्यौ रे ईशारा तिम्रो हो ।

गीत : पर्दा तिमी सामु खोल्छु

गीत : पर्दा तिमी सामु खोल्छु
~आविष्कार

कहिले कहीं मनको पर्दा तिमी सामु खोल्छु
त्यही पल पग्लिएर आफैलाई भुल्छु ।

उघ्रिएको मन प्रित तिम्रै रोज्छ
उध्रिएको मुटु जित तिम्रै खोज्छ
मैलिएको आफैमा सङ्लिएर बग्छु ।।
कहिले कहीं मनको पर्दा.....

Monday, October 1, 2018

मुक्तक : साहित्य


जीवन एउटा साहित्य हो
हरपल एउटा साहित्य हो

लघुकथा : डर

लघुकथा : डर
~आविष्कार

वोई, केसरे सुनिस ?
के सुन्नु हौ ?
माख्ला घरे काने काकाको साहिँलि त लिम्बु मास्टर च्यापेर हिँडिछे नि !

गीत : समयको ताँदो

गीत : समयको ताँदो
~आविष्कार 

प्रितको आखिर उमेर के रहेछ ?
चुट्टि जाँदो समयको ताँदो रहेछ ।

पक्डिन्छु भन्थें हात मायाको
भुलेछु रहँदैन साथ छायाँको
रहर मात्र भएर हुने के रहेछ ?

लघुकथा : स्वतन्त्रता

लघुकथा : स्वतन्त्रता
~आविष्कार

उस्ले टोलभरी घुमेर सेता परेवा जाल थापी थापी समात्यो, पिञ्जडामा एकएक गरेर थुन्यो ।
भोलिपल्ट,

Sunday, September 30, 2018

मुक्तक : समय

मुक्तक :
चिरेर सारा काठोर छालहरु
बिर्सेर हर अप्ठ्यारा हालहरु

Tuesday, September 18, 2018

शेर : प्रित

मुस्कान नाच्छ बाहिर, भित्र आँशु बगिरह्यो
प्रित बग्छ गहिरेर, चित्र कतै बनिरह्यो ।।

Wednesday, September 12, 2018

मुक्तक : संयम

सजिलो छैन मनलाई बाँध्नु
साँघुरो घैलोमा सुर्यलाई खाँद्नु
ब्रम्ह हुन्छ त कहिले चिम्टीमै हराउँछ 
संयम-साधनाले पर्ने हो यसलाई माझ्नु

Tuesday, September 11, 2018

मुक्तक : अपूरो

मुक्तक :
पानीलाई प्यास लाग्यो भन उस्लाई के पिलाउँ
आगोलाई ठण्डी लाग्यो भन अब के जलाउँ

गजल : काली थिई ऊ

~आविष्कार
काली थिई ऊ अलिकती
जाली थिई ऊ अलिकती

भरिली बहिरबाट, भित्र 
खाली थिई ऊ अलिकती

नेपाली प्यारोडी गीत : ईश्वर तैंले लगेर फेरी कसरी

नेपाली प्यारोडी गीत : ईश्वर तैंले लगेर फेरी कसरी

~आविष्कार

लय : ईश्वर तैले रचेर फेरी कसरी बिगारिस

ईश्वर तैंले लगेर फेरी कसरी फर्काईस् ?
पतीको भूल छोपेको तेस्तो कसरी उघारीस् ?
ती भूल हरे देखाई उस्लाई कसरी फर्कैइस् ?

हे सासु आमा बिहेमा गर्दा निर्दोष मुहार
ति मुहार भईदेलिन यस्ती भन्ने थिएँन बिचार

गीत : दोष

गीत : दोष
~आविष्कार

नभनेको कुराले मन पोल्दो रहेछ
नगरेको कुराले जीवन जल्दो रहेछ

औँसीमा पनि एक्लो रात आँसु पोख्दो रहेछ

Monday, September 10, 2018

मुक्तक : जिन्दगी

भैरबको ऐजन ऐजन लम्पसार जिन्दगी
हरीभक्तको चुराजस्तो प्याट्ट फुट्ने जिन्दगी
अहिले बाँचे कैले बाँच्नु, खै के पो साँच्नु 
कालीप्रसादको छल्केर आँखामा बग्ने जिन्दगी ।।

Sunday, September 2, 2018

मुक्तक : एक शून्य

~आविष्कार

नाम जे लिउ पूर्ण सत्य त्यही एक शून्य 
बाटो अनेक पुग्ने ठाउँ त्यही एक शून्य
जन्जाल मिथ्या मै सत्य खोज्न तल्लिन 
लिन हुने परम ज्वाला त्यही एक शून्य ।

Tuesday, August 21, 2018

मुक्तक : जुठो


विश्वाश ठुटो
आशा ढुटो
सल्किएको ठुटोले ढुटो पनि सल्काउँदो हो
आस्था जुठो

Monday, August 20, 2018

मुक्तक : अर्धचेत साथी

मुक्तक :
शून्यमा शून्य हुन नसकेको यो अर्धमृत साथी
आगोमा आगो हुन नसकेको यो अर्धप्रेत साथी

Thursday, August 16, 2018

मुक्तक : माया

मुक्तक : माया
~आविष्कार 
तिम्ले दिएको माया मैले बुझिन
तिम्रो दिलको मायामा म रुझिन
मनको माया मनले बुझ्न कसरी सिक्नु हो ?
तिम्रो दिलको माया मैले देखिन ।। 

मुक्तक : भ्रान्ति

मुक्तक : भ्रान्ति
~आविष्कार
आँसुले लत्पत्तिएको त्यो गजलको धर्को
गाँठो परेको मनमा भावनाको बर्को
मितको प्रितमा भ्रान्ति सितले चिसो गीत गाएपछी
फैलिरहेको मौनतालाई छिचोल्न नै चर्को 
 

मुक्तक : मूर्ती

मुक्तक :  मूर्ती
~आविष्कार
नहाँसु भनी सोध्छन के भयो भनी
आफु जलिरहेको छु दिनलाई गनी
हराउनुले जती पोल्दोरैछ नपाउनुले झन पिल्साउने
रहेकोछु हाँसप्रतिहाँसको मूर्ती बनी ।।

मुक्तक : भूलको शूल

~आविष्कार
देख्छ सब्ले ओठ हाँसेको
देख्छ कल्ले मुटु फाटेको
भूलको शूलमा पलपल घोचिएर
देख्छ कल्ले जिवन धाँजेको ।।  

मुक्तक : भेल

मुक्तक : भेल
भो पोख्दिन अब तिम्रा सामू मनका बह
भन्छौ पोखिएको जिन्दगी उठाउँदै सह
छाछल्केको पानी र उर्लँदो बाढि कहिले बुझ्छौ
बगाउला भेलले भनी भरिएर आउँछ गह ।।

Tuesday, August 7, 2018

लघुकथा : भक्ती

लघुकथा : भक्ती
~आविष्कार
हिजो :
तिमीहरु देश कस्तो राम्रो प्राकृतिक सुन्दर्ताले भरिपूर्ण, जडिबुटीले सजिएको,
तिमीहरु कस्तो मिलनसार, सौम्य, न्यानो अनी सौहार्द व्यवहाँरले भरिएको,
तिमीलाई थाहा छ ? यस्तो राम्रो देश अनी मान्छेले भनेको ट्याक्कै पुराउँछन् नि
हाम्रा भगवान नै सच्चा मुक्तिदाता र अन्तिम उद्धारक अनी तारक हुन्
आउ तिमीलाई म उन्को भक्ती सिकाउँछु ।

आज :

Tuesday, July 31, 2018

मुक्तक : जीवन

~आविष्कार

सरस थियो जीवन
सरल थियो जीवन
यौवन आयो लथालिङ्ग भताभुङ्ग गर्दियो
सनक थियो जीवन ।। 

गजल : चाँडै आउँछु भन्थी

गजल : चाँडै आउँछु भन्थी
~आविष्कार

परदेश गइ फर्केर चाँडै आउँछु भन्थी
टाढा भएपनी माया सँधै लाउँछु भन्थी

दूरी सतहको मात्र हो मन मै सँग छ
प्यासी उ प्रित पिउन मतिरै धाउँछु भन्थी

गीत : कुर्दा कुर्दै जीवन बित्यो

गीत : कुर्दा कुर्दै जीवन बित्यो
~आविष्कार

कुर्दा कुर्दै जीवन बित्यो
भर्दा भर्दै जीवन रित्तियो

जहाँ छोड्या थ्यौ त्यहीँ छु अझै
बिर्सनलाई यादहरु गोड्दै छु अझै

Thursday, July 19, 2018

मुक्तक : धार

हरेकले कुनै भार सम्हालेकाछन्
हरेकोले कुनै धार समातेकाछन्
भारले थिचिएर धारमा पारीँदा चटक्कै छिनिएला
हरेकले कुनै मार सहिरहेकाछन् ।।
- आ'बिष'कार

Wednesday, July 18, 2018

छोक : प्रतिक्षा

छोटो कविता(छोक) : प्रतिक्षा

आशा सबै मारेर
इच्छा सबै त्यागेर
बैभवसागरको किनारमा लुछिँदै
सौर्यतालाई सुन्यतामा अलप गराउँदै
शिकारी असमयमै समयको शिकार भएर

Monday, July 9, 2018

कविता : विश्वास

कविता : विश्वास
~आ'बिष'कार
हर कर्म
हर अकर्मण्यता
हर शब्द
हर नाता
हर आस्था
हर अबिश्वास
हर शून्य
हर निराकार
हर आकार स्वरुपमा
अनन्त
विश्वाश भरिन्छ
तब न 
ईश बन्छ ।

(7-9-2018)

Thursday, June 28, 2018

कविता : आवरण

कविता : आवरण
-आविष्कार भारती-
 
स्निग्ध, शान्त, ध्यानमग्न
रसिलो, हँसिलो, बिनम्र
जीवन देखिन्छ संधै हराभरा
परमानन्दको डुङ्गामा
जीवन देखिन्छ सुनहरा
आकर्षक छ व्यक्तित्व

Wednesday, June 27, 2018

कविता : नृत्य

कविता : नृत्य
~आविष्कार

कर्मसँग
धर्मसँग
शर्मसँग
मर्मसँग

Friday, June 22, 2018

कविता : सिमा

कविता : सिमा

आमा
डर छ रे
तडप छ रे
जलन छ रे
घ्रिणा पनि छ रे
त्यो सिमा पारी
आशाको झिनो त्यन्द्रो समात्दै
आँसुको भङ्गालोमा डूब्दै
भोक र तापको आगोमा डढ्दै

Monday, June 11, 2018

मुक्तक : जलप

मुक्तक : जलप
~आबिष्कार

दर्शन ढोग नमस्ते ठोकेकै छन्
केही न केही ज्ञान खोकेकै छन्
सब मोह, सब माया धुवाँसरी काया
नरोत्तम 'म' को जलप ओढेकै छन् ।।

Friday, June 8, 2018

कविता : केही भएकै छैन

कविता : केही भएकै छैन
~आविष्कार

स्निग्ध देखिन्छ
शान्त देखिन्छ
नम्र भेटिन्छ
ध्यानमग्न भेटिन्छ
हँसिलो देखिन्छ
रसिलो देखिन्छ
केही नभएसरी सुस्थिर
केही हुँदै नभएसरी शान्तचित्त
परमानन्दको डुङ्गामा रमाए सरी
विलास मै छ झै देखिने
जीवन सुरम्य मनोहर चलेकै छ

Tuesday, April 24, 2018

लघुकथा : गोटी

लघुकथा : गोटी
~आविष्कार

निकै तातोतातो नारा चलिरहेको थियो । केही पर मैले यस्तो सुने "तातोपानी नाका झट्टै खोल", "तातोपानी नाकाका बिस्थापितहरुलाई काम दिनै पर्छ", "अरनीको राजमार्ग झट्टै मर्मत गर", "तातोपानी नाका खोल्नै पर्छ","प्रशासनको लापर्वाही चल्दैन" ।
केही नजिक गएर मैले एकजनालाई सोध्ने चेष्टा गरें ।
एक्कासी महिनौं-बर्षौं देखिन बन्द तातोपानी सडक कसरी-किन खोल भन्छन् यि ।
उन्ले साउती गर्दै खुसुक्क भने, "तपैलाई थाहा नै होला नि आज्काल बिमानस्थालमा कस्तो असुरक्षित भएको छ । अब केरुङ्ग नि खसै सजिलो त कहाँ छ र तैपनी धानेको छ । तपाईं नै भन्नुस न यस्तो असुरक्षा अनी असजिलो भएपछी उनिहरु कसरी बाँच्ने ? सजिलै सुन देखिन रक्त चन्दन देखी सालकको खपटा देखी डलर अनी गोरुसम्मको तस्करी कस्तो सजिलै हुने त्यही एउटा त नाका थ्यो , त्यो नि बन्द छ । अनी धर्ना, जुलुस, नारा नलगाए बिचराहरु के गरुन त । अरुले गरीखाएको पनि देख्न सकेन यो नकचरा सरकारले । होईन त भन्नुस् त !"
वाल्ल कुरो सुनीमात्र रहें म, अनी गम खाँदै आफैलाई भनें, "ठूलाठूला व्यापारीहरु, प्रहरी अधिक्रितहरु, राजनैतिक नेताहरु देखिन जनता नै तस्करको गोटी बनेपछी कस्को के लाग्छ । लौ अब राजमार्ग चैं चाँडै खुल्ने भो ।"

Friday, April 20, 2018

लघुकथा : पार्टी

~आविष्कार

हैन हजुर कती दिन सहनुहुन्छ यो शाषक अध्यक्षलाई ?
पर्खनुस् न ! अब केही दिनमा त मेरो नि खुलिहाल्छ ।
के खुल्छ हौ ?
एउटा पार्टी
तपाईं त छल्-छाम-सप्पै-हाम पार्टीको उपाध्यक्ष हैन र ?

Wednesday, April 18, 2018

छोटो कविता : न्यानो

छोटो कविता : न्यानो

अभावको सितलहरमा
ऋणको सिरेटोको माझ
विभेदको तुसारो ओडेर
सपना र आशाको घुर सल्काई
आत्मियताको न्यानो ताप्दै
गफ्फिनुको मजै बेग्लै
हई मालिक ?

Friday, February 16, 2018

मुक्तक : मन्त्र

माया-क्षमा सबकोलागि घृणा रहोस् शून्य
बिमल मन जीवनरत्न हो आँत लागोस्  पिउन
फक्रँदो रहेछ हिलोमा नै अनित्य शान्त पद्म मुस्काई
मन्त्र अर्हत्त्वको हो यहि, अतृप्ति रहोस् न्यून .

Wednesday, February 14, 2018

मुक्तक : भुङ्ग्रो


सानो छँदा ठूलो हुने हुट्हुटी
ठूलो भएसी बलापनमा फर्किने छट्पटी
मनको आगो परिस्थिती झन दन्काउँछ 
भुङ्ग्रोमा भुटिन्छ सपना भट्भटी ।

मुक्तक : जमाना

उ भन्छ मेरा सपना छ
उ भन्छ मेरा आकङ्क्षा छ
कोपिल निमोठ्न उद्दत जमानामा
उ भन्छ मेरा  चाहना छ ।

Tuesday, February 6, 2018

सूत्रकथा : घोषणापत्र

सूत्रकथा : घोषणापत्र

नेता जि झोक्किँदै पार्टीकार्यकर्तालाई सोध्छन, "हैन घोषणापत्रमा यो पाली के लेख्नुभाको थियो हँ ? सप्पैले हम्ले ढाँट्यौँ पो भन्दैछन् त ?"

Monday, February 5, 2018

मुक्तक : गलती

मुक्तक :
मनिसबाटै हुने हो गलती
सिक्ने एक बाटो हो गलती
रुग्णरोगी, महापाप, अभिशापी ठान्छन् पाखण्डी जमात
अनुभव मुनाउने बाग हो गलती  ।

#छोरीकोलागी
#mistakes_are_the_teacher

Friday, January 26, 2018

मुक्तक : नियति

भोक दन्केको बेला, ईश्वर घिउ हुन्छ
आशा जमेको बेला, शान्ती ठिउ हुन्छ
टुट्नु-फुट्नु-पिल्सिनु नै गरीबको नियति
जीवन बल्झेको बेला, कर्म बिउ हुन्छ । 

मुक्तक : बन्धन


पीडाको क्रन्दन
भोकको मर्दन
छुटोस् भन्छु बल्झन्छ झन्
जीवनको बन्धन ।

Monday, January 22, 2018

मुक्तक : भक्ती


तिम्रो नामबाट मात्र मेरो पहिचान हुन्छ
तिम्रो सफलताबाट मेरो क्षमता मापन हुन्छ
कोपिला निमोठेर फूललाई ल फक्र भन्छौ
तिम्रो पूजाबाट मात्र मेरो अपेक्षा प्रधान हुन्छ ।

Thursday, January 18, 2018

मुक्तक : साधना

मुक्तक :
यहाँ प्रश्न हज्जार तेर्सिएला
शब्दछर्रा निस्सार बर्सिएला
सुमार्ग व साधना ज्योतिर्पुञ्ज हो जीवनको, बिचार गर
भोकको क्षोभले निष्ठा पर्सिएला .
- आविष्कार