Monday, July 24, 2017

मुक्तक : झेल्ला


कसैले भनेको नपुग्दा
कहीं कतै नझुक्दा
रेल्ला गर्दै झेल्ला गर्दिन्छन्
हुन्छमा हुन्छ नथप्दा ।

Friday, July 14, 2017

छोटो कविता : दुष्ट म

छोटो कविता : दुष्ट म
------------------------
तराजु भयो पलहरु
जोखियो पाउ किलोमा
तीतो भयो सम्बन्धहरु
नूनचूक दलियो पिलोमा
जञ्जालको सञ्जालमा धसिईयो
उत्रुँ भन्छु झन धरातल भासियो

Thursday, July 13, 2017

मुक्तक: साथि

मुक्तक: साथि
------------------------------
कुरो सुनुन्जेल स्वस्थ साथी
भनेको मानुन्जेल मस्त साथी
समयले अलिकती

Friday, June 30, 2017

मुक्तक : जीवनोन्माद


चन्द्रमा सुतेको छ औँसी ओडी
चुप्चाप छन् प्रेमिल मलेवा जोडी
मदमस्त फक्रिएका पुष्पदल मुस्कुराउँछन्
जीवनोन्मादमा रमौं सपना गोडी ।।
६-३०-२०१७

मुक्तक : लाज


त्यो आकाश हेर्छ मलाई टोलाई 
ब्युँझाउन खोज्छ ताराले बोलाई
जुनकिरीको साथमा आफ्नो अंश पठाउँछे 
लुकी बादल भित्र चन्द्रमा लजाई । 
६-३०-२०१७

Thursday, June 29, 2017

मुक्तक : मैन

चाहना तिम्रो थियो मेरो पनि
बाहना तिम्रो थियो मेरो पनि
प्रकाश पोख्छ पग्लिरहेको मैन आफू जली
अदृश्य जलन तिम्रो थियो मेरो पनि ।।
-६-२९-२०१७

Thursday, June 15, 2017

मुक्तक : ढाडस जस्तो

परबाट हेर्दा पारस जस्तो
वरबाट हेर्दा सारस जस्तो
पथ कोण नजरिया फरक छ 
भित्रबाट बुझ्दा ढाडस जस्तो 
6/15/2017

मुक्तक : खराब

यो मद्होस् साँझ नै हो खराब
यो उत्ताउलो जवानी नै हो खराब   
धरोधर्म रक्सीको केहीsss दोष छैन
यो स्वाङ्पारा पानी नै हो खराब ।।
- ६-१५-२०१७

Wednesday, May 31, 2017

कविता : बुझक्की उनिहरु


था छ भन्छन सबै सबै उनिहरुलाई
थाहा होला त भात्किएको घरको काहानी उनिहरुलाई
थाहा होला त सल्किएको आशाको काहानी उनिहरुलाई
था छ भन्चन सबै सबै उनिहरुलाई
बुझुन कसोरी,
बुझाउँ कसोरी म
यो पिडा

Tuesday, May 9, 2017

मुक्तक : प्रितको सगर

अङ्गालोमा कसेर बादलुको संसार डुलौँला 
पोखिएर प्रितको सगरमा निथ्रुक्क रुझौँला
यो उडी रहेको बाफ हेर त ताल माथि
त्यसरी नै समयका दु:ख कष्ट मिलेर उडाउँला ।।  
- आबिष
2017-5-9

Monday, May 8, 2017

हास्य-गजल : ज्वाँईँ


~आविष्कार भारती

तिमी अम्रिकन खैनी प्रिये, म मडुवा सुर्ती
तिमी मख्मली लेहेङ्गा प्रिये, म पोलिस्टरको कुर्ती

एक दर्शन मात्रले पनि रमरम हुन्छु  
तिमी स्वप्न सुन्दरी प्रिये, म मद्होश मुर्ती ।।

मुक्तक : प्रित के हो ?

मुक्तक :
प्रित के हो ? आफैलाई सोध्छु
असरल्ल मुटुमा रङ्मङिएर खोज्छु
प्रत्यक कोश हर थोपा प्रतिछायाँ तिम्रो
अकारण मुस्कुराइरहेको आफैलाई भेट्छु ।।

Wednesday, May 3, 2017

छोटो कविता : स्वतन्त्रता

~आविष्कार भारती

बचेराहरु एउटा हाँगोको गुँडलाई जिम्मा लगाएर
चाराको खोजीमा दूर आकाशमा उढ्छे
सकी नसकी पखेटा फैलाएर हावालाई अङ्गालो हाल्छे
छिचोल्दै हर संकट, व्यवधान

गजल : आत्मचिन्तन

~आबिष्कार भारती
समय छ, समय छ भन्दा भन्दै
फुत्किगयो दिनहरु गन्दा गन्दै ।।

स्वप्निल आशा तिलिस्मी यौवन 
मन भनेको सुन्दैन कुरा बन्दै ।।

अटल विश्वास कर्मठ् इच्छा
उडेको स्वच्छन्द छ भावी उन्दै ।।

Monday, May 1, 2017

छोक : आज मे दिवस

 आज मे दिवस
आज मज्दूर दिवस
हर मज्दूर भन्छ
आज
'म' सँग 'ज'थाभावी गरेर 'दूर' हुने दिन
कथा फलाक्दै ब्यथा बेच्दै पन्छिने दिन,
बिदेशी पैसा मेरा नामका लठ्ठीले झार्ने दिन

Thursday, April 27, 2017

मुक्तक : तिम्रै नामको

प्रितको होलीमा रङ्ग खास चल्छ तिम्रै नामको
भावको व्यवसाएमा बिशेष पास चल्छ तिम्रै नामको
हापेको एउटा सानो हात न रहेछु म त 
मायाको ठूलो खालमा तास चल्छ तिम्रै नामको

Wednesday, April 26, 2017

कविता : आकाश हुँ म

आकाश हुँ म
------------------
कस्तुरीको भाँती स्व-बास्ना खोज्दै धुन्मुन्नी रहेको उ  
कहिले कस्तो देख्थ्यो , कहिले कस्तो मलाइ .

रंगहिन आकाश हुँ म
उसले यसरी हेर्यो निलो देख्यो
त्यसले त्यसरी हेर्यो कालो देख्यो
जसले जसरि हेर्यो, हेर्न चाह्यो तेस्तै देख्यो
म तेस्तै बनि दिएँ, जुन रंग उसले चाहन्थ्यो .

अनन्त रहस्य र असिमित आशा अनि सपना लुकाएर
आफैमा रुमल्लिरहेको आकाश हुँ म
उसले गहिरो बेदना अनि चिसा रात देख्यो
त्यसले ढुंगेलो मुटु अनि मृत संबाद देख्यो
जसले जसरि चिर्यो, त्यस्तै भित्रि आँत देख्यो
म त्यस्तै बनि दिएँ, जुन बात उसले चाहन्थ्यो .

मुक्तक : हाँसोको पासो थप्यौ तिमीले

मुक्तक :

हाँसोको पासो थप्यौ तिमीले
नजरको जाल हल्यौ तिमीले
 मायाको जुवामा हार्न खोज्दैछ
मन प्रितको खाल थप्यौ तिमीले  

मुक्तक : किन प्रयोग गर्नु

मुक्तक :
मुस्कानले हुने काममा ठुस्कान किन प्रयोग गर्नु ...
हाँसोमा बित्ने समयमा पासो किन प्रयोग गर्नु ....
हरपल रम्नु, जम्नु, नाच्नु, बाँच्नु, बाँड्नु, पढ्नु अनी अगी बढ्नु
बहारमा झुमेको जीवनमा धार किन प्रयोग गर्नु .....

Thursday, April 20, 2017

मुक्तक : चिनो

मुक्तक :

मौनतामा रुमल्लिएको झिनो भावना
सम्झौतामा अल्झिएको मसिनो तिर्सना
के थियो र मेरो, देउँ के अब उपहार
विवशतामा धुमिल्लिएको चिनो सम्झना ।।

मुक्तक : झिनो भावना

 मुक्तक :
मौनतामा रुमल्लिएको झिनो भावना
सम्झौतामा अल्झिएको मसिनो तिर्सना
के थियो र मेरो, देउँ के अब उपहार
विवशतामा धुमिल्लिएको चिनो सम्झना ।

Friday, April 14, 2017

नव बर्ष २०७४को धेरै शुभकामना ।।

 सादा रहोस् जीवन, उच्च रहोस् बिचारहरु
शून्य रहोस् पिर-व्यथा, सुखानन्दमा बितोस दिनहरु

सत्काम निष्छल मनले सेवा गर्दै आफू फूल्न सकियोस्
अन्तरको ईश भेटिएर अनन्त आकाश झै खुल्न सकियोस् 

मागूँ के म, के मेरो हो र यहाँ, अज्ञान हटोस् बरु
संसारको दु:ख हटोस्, भोक मेटोस्, शान्ती छरियोस् बरु

नव बर्ष आओस् अनैतीकता, छल, कपट अनी अहम भूलेर
नव बर्ष आओस् हर्सोउल्लस, उमङ्ग, आशा अनी मानवता बोकेर ।।

 नव बर्ष २०७४को धेरै शुभकामना ।।

-4-13-2017

Monday, April 10, 2017

मुक्तक : जीवन

मुक्तक :

आए कती यो जीवनमा कती गई गए
मन खाएकाहरु जमी रहे अरु पग्ली गए
नाता कुटुम्ब इष्ट मित्र साथी अनी रिपु
हल्ला गरी बाँड्छन् पल-क्षण कोही चुपचाप गए ।।
(जीवनमा आउँदै साथ दिने समस्तमा समर्पित)

मुक्तक : मन यो छुच्चा

यता हेर्छु, हेर्छु उता जताततै यादका गुच्छा
कहिले हाँसो,आँसु कहिले दिन्छन् यि लुच्चा
हिजोलाई बिर्सेंर आजमा बाँच भन्छ गीता
पुरिएको उप्काउन मै रमाउँछ मन यो छुच्चा ।।

Friday, April 7, 2017

मुक्तक : मिलन कहाँ छ र ?


म धर्तीमा जम्ने, तिमी गगनमा डुल्ने - मिलन कहाँ छ र ?
म आफूमा भूल्ने, तिमी प्रसंसामा झुल्ने - मिलन कहाँ छ र ?
कुखुराको भाले जती सुकै रङ्गिन किन नहोस् मजुर बन्दैन
म सेवामा खुल्ने, तिमी सेल्फीमा फूल्ने - मिलन कहाँ छ र ?

मुक्तक : रमाईरहेको मान्छे

भात्किए पनि म आँफैमा रमाईरहेको मान्छे
चोइटिए पनि म आँफैमा हराइरहेको मान्छे
कसैले के भन्छन् कसैले के गर्छन् कुनै गुनासो बिना
घोप्टीए पनि म आँफैमा चिहाईरहेको मान्छे ।।

Wednesday, April 5, 2017

मुक्तक : लाचारपनको रोष

आँखामा रहेको लाचारपनको रोष
भाग्य समयले बिनसित्त पाएको दोष
उनी लागिन दूर कहीँ भावीको त्यन्द्रो समाइ
जलेको थियो मुटुका बिरक्तिएको हर कोष ।।

मुक्तक : किन नसोध ?

आकाशको जून-तारा बम्किन्छन्, किन नसोध ?
बसन्तको फूल सारा गम्किन्छन्, किन नसोध ?
लाली चडेका यौवनको सौरभ फैलियो ब्रम्हाण्ड बागमा
झरनाको शान्त धारा सन्किन्छन्, किन नसोध ?

Tuesday, April 4, 2017

गजल : तलब आए पछी

अभावका गीत लाटीइन्छ तलब आए पछी
प्रभावका गीत गाइरहिन्छ तलब आए पछी ।।

घरबेटीका महिना भरीको ठेट्ना प्रवचनलाई 
टपक्क टेपले टालीईन्छ तलब आए पछी ।।

किराना पसलेको पिँडाले चोपिलो व्यवहारलाई
तेल लगाइ धोइइन्छ तलब आए पछी ।।

Friday, March 31, 2017

मुक्तक : कोही

कोही कबितामा बहकेका छन्
कोही गजलमा पोखिएका छन्
आफू त पाठक न परें
कोही मुक्तकमै रोकिएका छन्

Friday, March 24, 2017

मुक्तक : सबैले एउटै

सबैले एउटै भोगाइ कहाँ भोग्दछन् र?
सबैले एउटै बाटो कहाँ हिँड्छन् र ? 
समय, अनुभव र पारीवेशले चिथोरेको छ
सबैले एउटै सपना कहाँ देख्छन् र ?

मुक्तक : फरक छ

ज्ञान र शिक्षामा फरक छ
दान र भिक्षामा फरक छ
अबुझ अबिबेकीलाई के इश के बिष  
गान र दिक्षामा फरक छ ।।

Thursday, March 23, 2017

मुक्तक : चहकिलो थियो सपना मेरो

बिद्धालय र साथी छुटे, चहकिलो थियो सपना मेरो
आफन्त र साथ फुटे, गहकिलो थियो सपना मेरो
हारदम यो बाँसको मुरली टाँसिन्छ ओठमा
सुर र मधुरता टुटे, बहकिलो थियो सपना मेरो  ।

मुक्तक : सपना मेरो

बिवशता र बाध्यताले कुल्चिएको सपना मेरो
बाद र अपबादले निचोरिएको सपना मेरो
छ भनुँ कि छैन अब मेरो साथ
समय र पारीवेशले जलाएको सपना मेरो ।

Wednesday, March 22, 2017

मुक्तक : घुर्किनु हुन्छ

ओहो ! आहा !भनिदिँदा फुर्किन हुन्छ
अलिकती सपार्नुस् न भनिदिँदा घुर्किनु हुन्छ
घुर्काइ फुर्काइ वरीष्ठ बन्न मन छ उहाँलाई
पिईदिउँ न त एक घुट्को भनिदिँदा सर्किनु हुन्छ ।।

Friday, March 17, 2017

आफ्नै धुनमा चरिरहेका मेरा केही शेर

हजार सपना आए अनी बिलाए निष्पट्ट अँध्यारोमा
कतीले मेटे कतीले जगाए प्यास जीवनको डोबटोमा ।।
-

एक शेर :
प्रेमको सङ्गितमा आउ नाचौँ तिमी र म
मिलेर राग यस्तो गाऔँ हराउँ तिमी र म ।।
- Feb 6th 2016

एक शेर :
चञ्चलता अनि मादक्ता छ यो मायामा
निश्छल्ता अनि ढृष्टता छ यो मायामा ।।
-  March 2nd 2017

एक शेर यस्तो पनि :
यति धेरै नकारात्मक हामी छौँ किन ?
हर्दम हरकुरो उल्टै हामी देख्छौं किन ?
-march 5th 2017

# आबिष
 

कविता : सपना


उस्ले मलाई यो बन् भन्यो, म खुरुक्क बनेँ
उस्ले मलाई यो गन् भन्यो, मैले खुरुक्क गनेँ
उस्ले मलाई अब चुप बस् भन्यो, म चुपचाप बसेँ
उस्ले मलाई अब उथलपुथल मच्चा भन्यो, मैले बिध्वँस मचेँ
उस्ले मेरो निरिहपन माप्यो,

Thursday, March 16, 2017

मुक्तक : खेलौना

~आविष्कार

म नाईँ भन्छु, उ हस् सुन्छ
म हुन्न भन्छु, उ हुन्छ सुन्छ
कसरी बुझाउँ मेरो हक मेरो इच्छा उसलाई
म स्त्री हुँ भन्छु, उ खेलौना सुन्छ ।।

Saturday, March 11, 2017

मुक्तक : आशा

~आविष्कार

मुस्कानमा संसार भेट्छु
आँखामा मायाको भण्डार भेट्छु
अरु खोजुँ म किन
हर नजरमा पोशिलो आशा भेट्छु ।।

गजल : म रुखो मान्छे


~आविष्कार
 
म रुखो मान्छे 
म सुखो मान्छे ।
 
आफ्नो छैन केही
म ठुटो मान्छे ।

Thursday, March 9, 2017

मुक्तक : सुरिला कागहरु

मुक्तक :
मुक समयहरु आफ्नै धुनमा मस्त छन् 
 खेती गर्नेहरु आफ्नै दर्शनमा मस्त छन् 
 न्याउलीको बिरह गीत सुनोस् यहाँ कस्ले
सुरिला कागहरु आफ्नै नाम जप्नमा मस्त छन्

Wednesday, March 8, 2017

मुक्तक : तिम्रै नाममा

~आविष्कार

अपलक चारै प्रहर तिम्रै नाममा सिद्दिन्छ
तरुणा आकाङ्क्षाहरु तिम्रै नाममा रेटिन्छ 
 तिमी भन्छौ रे मैले तिम्लाई याद गरिन 
हर साँझ एउटा प्याला तिम्रै नाममा रित्तिन्छ ।।

Tuesday, March 7, 2017

मुक्तक : मन छ

आजभोली न कुरा फुर्छ, न बोल्नै मन छ
आजभोली न चुरा बज्छ, न सुन्नै मन छ
भाइचारा, मानवता अन्ध स्वार्थको नेलमा जकडिएको बखत
सम्बन्ध न चिरा पर्छ, न जोड्नै मन छ ।। 

Friday, March 3, 2017

मुक्तक : न पाप न धर्म

न पाप न धर्म
बुझ्नु छ बस् मर्म
मेटेर अहम् अनी चाहनाहरु 
गर्नु छ मात्र कर्म ।। 

Wednesday, March 1, 2017

मुक्तक : खुकुरीहरु

~आविष्कार

चिटिक्क परेर टल्किएका छन् खुकुरीहरु 
रक्तिम मुस्कान छरीरहेछन् खुकुरीहरु 
यहाँ अचानो चोइटीयर सकियो 
धार हराएको गुनासो गरिरहेछन् खुकुरीहरु
-आ'बिष' (3/1/017)

Monday, February 27, 2017

हाइकु #

गोहीको आँसु
प्लास्टिक झैँ भावना
फोक्से जीवन

Saturday, February 25, 2017

छोटो कविता : सत्यता जीवनको

काठयाङ्ग्रिदो रात
एक्लो चउरिएको जीवन
आफ्नाको खोजी
माया, मेरो, म, भगवान सबै झुटो 
मुक्ती, मोक्ष, धर्म, स्वर्ग सबै झुटो
नभेट्टाएर कोही
नभेट्टाएर केही
छुट्कारा चक्रबाट
दन्किरहेको चिताको पलङ्  
दाउराको राप नै प्यारो
खरानी नै सत्यता जीवनको ।।
- आविष

Wednesday, February 15, 2017

लघुकथा : इज्जत

लघुकथा : इज्जत
हैन तपाईं पत्रकार हो भन्नु हुन्छ तपाईंको काम गराइ र लेखाइ अनी समाचार हेर्दा खकार जस्तो घिन्लाग्दो छ । यस्सो त्यो बिर्सिएर कुराकानी गरुम् न त भनुँ भनेँ डकार जस्तो गनाउनु हुन्छ । न आकार छ न प्रकार छ खाली एउटा क्यामरा बोक्या छ, एउटा कापी अनी पेन च्याप्या छ र कता आफ्नो दुनो सोझिन्छ भनी भुन्भुनाइ हिँड्नु

मुक्तक : याद गरिन

​​अपलक चारै प्रहर तिम्रै नाममा सिद्दिन्छ
तरुणा आकाङ्क्षाहरु तिम्रै नाममा रेटिन्छ 
तिमी भन्छौ रे मैले तिम्लाई याद गरिन
हर साँझ एउटा प्याला तिम्रै नाममा रित्तिन्छ ।।

Monday, February 13, 2017

मुक्तक : तिम्रो मायामा

​~आविष्कार
तिमी मेरो म तिम्रो चोखो मायामा 
संसार स्वर्ग सप्पै भेट्छु तिम्रो मायामा 
किन नहुनु नि "म माया गर्छु" भन्न बिगुल फुकेर 
आकाश पातल एक गर्छु तिम्रो मायामा

Thursday, February 9, 2017

लघुकथा : सपना

लघुकथा : सपना
~आविष्कार भारती 
 
चराको सुमधुर गीत, झरनाको निस्छल संगीत, बनका बिच एक्लै सुसाएका खोलाको धुन र अन्तरकुन्तरबाट आएका जनावरका बिभिन्न राग जस्ता प्रकृतिक मनोरम सौन्दर्यको रसास्वादन गर्दै बामे दाइ घुम्दै घुम्दै गाउँ पुगे । गाउँको कती घरको छतमा घाँस उम्रेका देखे, बनको फैलावटले आँगन छोएको देखे, गाईगोठ भात्किएर लडेको देखे - यस्तै यस्तै उदेकलाग्दो दृश्य हेर्दै अगाडि बढ्दै गए तर गाउँमा कोही मान्छे देखेनन् । अलिक उँभो लागेपछी एउटा पाठशाला देखे तर पाठशालामा पनि केही बच्चाबच्ची देखे र शिक्षकसँग सोधी हाले, "गाउँका सप्पै कता गए हँ ?"
 
शिक्षकले भने,"सप्पै बिदेश हिँडे, अरु कहाँ जानु । जो यहाँ थिए ति पनि बजार झरे ।"
 
बामे दाइ दिक्क मान्दै पाठशालाका केही बच्चाहरुलाई सोध्न लागे,"बाबु, तिमीलाई ठूलो भए पछी के बन्न मन छ ?"

Tuesday, January 31, 2017

लघुकथा : लहर

~आविष्कार भारती
'वोई सुनिस् ! म सँग दामी अैइडिया छ । सुन्छस् ?' , सुरेन सोफामा अडेस लाग्दै ब्रिजेशलाई भन्द छ । ब्रिजेश एक मारवाडी पुत्र हो र सुरेन पूजारीपुत्र ।
'ह्या ! लास्ट टाइम पनि क्या दामी आईडिया भनेर पैसा डुबायो । यो पाली त कसरी पैसा माग्ने हो घरमा ।', पछील्लो ३ पटकको सुरेनको व्यापारको योजना नराम्रोसँग असफल भएर हतासिएर भन्यो ब्रिजेशले ।
'हैन के, यो आईडिया सोलिड छ । फुल्-प्रूफ् । सुन न', सुरेनले सम्झाउँदै भन्यो ।

Monday, January 30, 2017

गजल : कम्मर मर्काएर हिँडिन्

~आविष्कार भारती

उनले अलिकती कम्मर मर्काएर हिँडिन्
झिमझिम परेली एक फेर कर्काएर हिँडिन् ।।

हर साँझ सिठ्ठी र जिब्राका पटकाहरु
मिठो मुस्कानले जलाई पड्काएर हिँडिन् ।।

मुक्तक : मुस्कुराएकी गुलाब

~आविष्कार

पहाड दु:खी भयो नदी भै रोयो
आकाश दु:खी भयो वर्षा भै रोयो
काँडै काँडा बिच सबैको सामु मुस्कुराएकी गुलाब
एक्लै हुँदा बिहानीको शित् भै रोयो ।

छोटो कविता : साथी

~आविष्कार भारती

कहिले कहिँ मनका भावना यसरी उर्लन्छन्
बगाउँछ मनका बाँधहरु,
भात्किन्छन् भावका पर्खालहरु,
च्यातिन्छ जीवनका विश्वाशहरु,
निसासिन्छ थुनिएको आस्थाहरु 

Thursday, January 26, 2017

मुक्तक : गनिरहन्छन्

~आविष्कार

अशुभ भन्नेले यहाँ भनिरहन्छन्, 
खेदो खन्नेले यहाँ खनिरहन्छन्, 
हात्ती लस्कन्छ गन्तब्य तिर भुक्छन् सित्तै कुकुर,
गल्ती गन्नेले यहाँ गनिरहन्छन् ।

Sunday, January 22, 2017

लघुकथा : चोर

लघुकथा : चोर
~आविष्कार भारती

रातको ठीक ११ बज्यो, ग्यास-स्टेसन अगाडि गाडी रोकेर अश्लेश भित्र छिर्यो । भित्र छिर्न ढोका खोल्नासाथ "ट्याङ्" घण्टी बज्यो । हरेक पटक मानिस पसल भित्र छिर्दा यो ढोका यसरी नै बज्छ,भित्र रेजिस्टरमा काम गरिरहेको कामदारको एउटा बफादार सूचक बनेर ।

अश्लेश दाहिने हात उठाउँदै काम गरिरहेकी गोरीलाई सोध्छ, "How you do'in, Ashley ? Busy Busy ? अनी How was your shift त ?" अनी खुरु खुरु पसलको ग्राहकले पैसा बुझाउने काउन्टर भित्र छिर्छ ।

खैरिनी, "It wasn't bad. Alright, see you tomorrow. Have a safe night" भन्दै आफूले काम गरेको समय एउटा कागजमा लेखेर भित्तामा राख्छे अनी निस्किन्छे ।

Friday, January 13, 2017

लघुकथा : तँ, तिमी, तपाईं अनी हजुर

~आविष्कार भारती~

- "ए मर्स्या ! ओ भैया ! खाली सिसी अनी फलाम छ लान्छस् ? पैसा कती दिन्छस् नि ? मर्स्याले ठग्लास् नि ।"

- "ए भैया, एउटा हिरामोती पान बनाउ त । अनी अलिकती चुना नि देउ है छुट्टै ।"

लघुकथा : बानी

लघुकथा : बानी
~आविष्कार भारती~

ऊ घरबाट सजिसजाउ भएर निस्किन्छे । हतार छ उस्लाई, "के गर्दा गर्दै ढिलो भएछ कुन्नी" मनमनै सोंच्छे । फुत्त एउटा ट्याक्सीमा चाड्छे र फलानो होटेल हिँड्नुस् भन्छे । साथीहरु एक हुल जम्मा भइसकेछन्, सँगै मिलेर हल्ला गर्दै - टन्न महङ्गा पक्वान खाँदै रमाइलो गर्छे । बिल आउँछ पर्सबाट फुत्त केही हात्ती निकाल्छे र बिलसँगै राखिदिन्छे । अनी