मुक्तक : अनुभव

भेटिएला अफ्टेरा बाटाहरू

भेटिएका दरिला भाटाहरू

कर्म गरि अगि बढ्नुस् है, खै गर्नेलाई

देखाई देऊ अनुभवका टाटाहरू 

कविता : मौन पहाड

कविता : मौन पहाड
~आविष्कार

अडिग मौन उभिएको छु
अपल समय बिताएको छु
मागेका कुरा सुटुक्क दिन्छु
तीता भाव घुटुक्का निल्छु
चुक्किएका सम्झनाहरू माझ
उजाड कल्पनाहरु सजाउँदै
हेर्दैछु कुर्दैछु ।

मुक्तक : छोरा

कसरी पोखुँ मनको बह थुन्छु भावना बनाएर दह छोरा होस् बहन हुँदैन भन्छन् भर्न हुँदैन पानीले गह

मुक्तक : एक्लो डाँडा

आँगनमा अग्ला घाँस छन् खेतबारिमा उम्रिएका बाँस छन् शहर तिरै झर्छन्, माथि डाँडा एक्लो छ रगतसँग साटिएका गाँस छन् । 10-05-2021

मुक्तक : रमिते

ढलिसक्यो बाबु घर अब त तिमी नै हाम्रो भर अब त रमिते बनेकोछ चौतारी, गिज्याउँछ मात्र कुरिरहेछ पिपल र बर अब त 10-05-2021

मुक्तक : निभ्यो टुक्की

भत्कियो पीँडी, तगारो भत्कियो खस्यो बूईंगेल, गारो भत्कियो कुर्दैछ रोकेर सास बुढो दलिन निभ्यो टुक्की, धारो भात्कियो ।। 10-05-2021

मुक्तक : भुल्दै जान्छ

कहाँबाट आएको भुल्दै जान्छ चुसेर भविष्य फुल्दै जान्छ जरा बिर्सिएर रुख बाँच्न सक्दैन शक्तीको मातमा झुल्दै जान्छ १०-०५-२०२१

मुक्तक : जरा

धोईएर बाहिर, भित्र मैलिन्छ साँघुरो मन लिई फैलिन्छ पलाउँछ टुप्पोबाट अनी जरा गडेकाहरुको खै'लिन्छ ।

मुक्तक : माझा

सबलाई नामको राजा हुनुछ

ठाम्कुठाम बज्ने बाजा हुनुछ

आफू उडुँ माथी, अरुलाई चैट गरुँ

यस्तै धारिलो माजा हुनुछ ।

लघुकथा : कन्फिडेन्स

लघुकथा : कन्फिडेन्स

~आविष्कार

प्लेनमा तीन सिट्मा म छेउ, उ बिच्च र उहाँ झ्यालमा थियौं । मैले भने, परदेशको यात्रामा अरुको ठाउँ, मलाई केही बोक्नै डर लाग्छ । ओठ लेप्र्याउँदै उस्ले भन्यो, "त्यही भन्या अर्काको ठाम् के हो के हो । म त केही कहिले झुक्किएर पर्यो कि भनेर थर थर हुन्छु।" उहाँले भन्नू भयो,"पहिलो पटक साउदी जाँदा म नि त्यस्तै थिएँ, गुट्का लगेको, खैनी लगेको, समात्ला भन्ने कत्रो पिर। अनि पछिल्लो पटक अम्रिका जाँदा माछा, मासु, अचार, खाना छ ब्याग्मा भन्यो है। मैले ब्याग भरी भए नि कन्फिडेन्स्का साथ छैन भन्दिएँ। आखिर कन्फिडेन्स भन्या कन्फिडेन्स हो नि ।" अनि यति भनेर उनी मपाईंत्वको मुस्कानमा फुरुक्क फुले ।

मुक्तक : शिक्षा

 मुक्तक : शिक्षा
शिक्षकलाई जागिर पकाउनुको टण्टा छ  
विद्यार्थीलाई प्रमाणपत्र बकाउनुको टण्टा छ
शिक्षाको स्तर उँधो लम्किँदो छ निरन्तर, तैपनी
अगुवालाई मेरो-मेरा फकाउनुको टण्टा छ ।

चार हाइकु

जमेको ताल
भित्र चञ्चल माछा
गहिराईमा ।
************
सिमल भुवा
हावासँगै उड्दै छ
नवआँकुरा
**********

Muktak : ईतिहास

 देखाउछन भत्किएका ति दरवारले  
बताउञ्छन रित्तिएका ति घरबारले
कथा पूर्खाको जिवितै छ, ईतिहास
सम्झाउञ्छन बत्तिएका ति तरबारले

muktak : जिवनमा

 सबैको हुन्छ दु:ख जिवनमा
सबैको हुन्छ सुख जिवनमा
ढकमक्क छौ अहिले  भन्दैमा  
नचलाए हुन्छ मुख जिवनमा