भनें त अड्केको छ जीवन
भनें त पड्केको छ जीवन
भनें त तर्केको छ जीवन
खै भनु के म अरु
बस् एक्कैछिन ढल्किएको छ जीवन ।।
भनें त हराएको छ जीवन
भनें त मिचिएको छ जीवन
भनें त मक्केको छ जीवन
खै भनु के म अरु
बस् एक्कैछिन मिल्किएको छ जीवन ।।
भनें त रित्तिएको छ जीवन
भनें त च्यात्तिएको छ जीवन
भनें त चर्किएको छ जीवन
खै भनु के म अरु
बस् एक्कैछिन जिल्लिएको छ जीवन ।।
भनें त आँतिएको छ जीवन
भनें त लट्किएको छ जीवन
भनें त बोझिएको छ जीवन
खै भनु के म अरु
बस् एक्कैछिन रन्थन्नीएको छ जीवन ।।
भनें त भुल्किएको छ जीवन
भनें त तम्तमिएको छ जीवन
भनें त आकर्षिएको छ जीवन
खै भनु के म अरु
बस् एक्कैछिन खिंचिएको छ जीवन ।।
भनें त बाङ्गीएको छ जीवन
भनें त कुच्चीएको छ जीवन
भनें त भाँच्चीएको छ जीवन
खै भनु के म अरु
बस् एक्कैछिन भत्किएको छ जीवन ।।
अर्थ :
बोझिएको - बोझो भएको
आकर्षिएको - तानातानी भएको
No comments:
Post a Comment